Публикации » Чĕрĕк ĕмĕр хăрах куçпа çеç тĕлĕрет…

08 мая 2014 г.

АКА уйăхĕн юлашки кунĕнче Раççейри пушар хуралĕ хăйĕн çуралнă кунне паллă турĕ _ 365 çул тултарчĕ. Çак сăлтавпа пирĕн районта савăнăçлă мероприяти иртнĕ. Пушарниксене професси уявĕ ячĕпе район администрацийĕн пуçлăхĕ Н. Глухов саламланă, служба ветеранĕсене, хăйсен яваплă ĕçне чун-чĕререн пурнăçласа пыракансене чысланă. Вĕсем хушшинче Алманчăри муниципаллă пушар хуралĕн начальникĕ Г. Артемьев та пур. Герольд Семенович чĕрĕк ĕмĕр вут-çулăмпа кĕрешекенсен ушкăнĕнче тăрăшать. Икĕ ача ашшĕ çавăн чухлĕ вăхăт хушши хăрах куçпа çеç тĕлĕрет. Ахальтен мар ĕнтĕ унăн кăкăрĕ çине çак кунхине юбилей медальне çакса янă.

Источник: "Авангард" (газета Батыревского района)