08 мая 2014 г.
Сире чун-чĕререн Аслă Çĕнтерỹ уявĕ ячĕпе саламлатăп. Çак праçник пирĕн чĕресене халăхăн паттăрлăх символĕ пек кĕрсе юлнă. Эпир çапăçу хирĕнче выртса юлнă салтака асра тытатпăр. Тылра çĕнтерĕве туптанă çынсен ячĕсем те пирĕн чĕререх.
Аттесемпе асаттесен ырă йăли-йĕркисене тытса пырасси, Тăван çĕр-шывăн пуянлăхне ỹстересси _ Юхмапа Пăла тăрăхĕнчи çамрăк ăрусен чыслă тивĕçĕ. Вилнисене ĕмĕр асра тытни Патăрьел районне малалла аталантарас тата чечеклентерес ĕçре пулăшса пытăр.
Аслă Çĕнтерỹ уявĕ ячĕпе, хисеплĕ Патăрьелсем! Сире пурсăра та ырлăх-сывлăх, ăнăçу тата тăнăçлăх сунатăп.
Район администраци пуçлăхĕ Н. ГЛУХОВ
Источник: "Авангард" (газета Батыревского района)