08 мая 2014 г.
Тракторсем тата хăй тĕллĕн çỹрекен ытти машинăсем çынсен сывлăхĕшĕн тата пурнăçĕшĕн хăрушлăх кăларманнине, çут çанталăка сиенлеменнине, хуçисем вĕсене регистрациленине тата тĕрĕслев витĕр кăларнине палăртма, ĕç сыхлавĕпе техника хăрушсăрлăхне мĕнле пăхăннине пĕлме республикăра, çавăн пекех районта та майăн 8-мĕшĕнчен пуçласа 25-мĕшĕччен "Частник" операци ирттерме палăртнă. Çак тапхăрта ятарлă комисси уйрăм çынсен тракторĕсене тĕрĕслет, çула тухма ирĕк паракан хута илменнисем патне çитет.
(Хамăр корр.)
Источник: "Авангард" (газета Батыревского района)