Публикации » Сакăр çул кирпĕч шутлама тивĕ…

17 мая 2014 г.

 ÇĔНĔ ÇУЛ каçĕнче çак каччă пуçĕ минресе кайичченех хаяр шĕвекне ĕçмен пулсан, паянхи кун та Первомайскинчех пурăнатчĕ. Халĕ вара... Пуçтахăн сакăр çул тимĕр решетке леш енче ларма тивĕ. РФ УКăн 111 статйин 4 пайĕпе килĕшỹллĕн район сучĕ çакнашкал приговор кăларнă. 58 çулхи пĕччен арçын ăна эрех илме 200 тенкĕ укçа кивçен паманшăн йыт вилли пекех хĕнесе пĕтернĕ. Йывăр сурансене пула лешĕ вырăнтах вилсе кайнă. Çакскер кунпа та лăпланман-ха. Хура йĕрне çухатас тесе хĕл кунĕнче ăна чăх витине сĕтĕрсе тухса пăрахнă та куçран çухалнă. Анчах та таçта çитиех тапса сикеймен, пакунлисем часах унăн аллине çурăм хыçне пăрса хунă.

Источник: "Авангард" (газета Батыревского района)