17 мая 2014 г.
Районта ака-суха ĕçĕсем пĕтнĕ хыççăн пуçтарăнакан Акатуй-сапантуй кăçал июнĕн 12-13-мĕшĕсенче иртĕ. Ырă йăлана кĕнĕ халăх уявĕ хальхинче те "Хĕвеллĕ" уçланкăра икĕ кун кĕрлĕ. Малтанхине ачасене халаллаççĕ. Вăл вуннăмĕш хут йĕркеленет. Культура çулталăкне халалланă ĕçпе юрă, ырă йăла-йĕркене кăтартакан уяв вара Юхмапа Пăла тăрăхĕнче пурăнакансемшĕн _ 63-мĕш хут. Кун пирки район администраци пуçлăхĕ Николай Глухов ятарлă хушу кăларнă.
Акатуя асра юлмалла та кăмăллă ирттерсе ярас тĕллевпе районта оргкомитет туса хунă. Унăн председателĕ _ район администраци пуçлăхĕн пĕрремĕш çумĕ _ ял хуçалăх, экологи, экономика, çĕр тата пурлăх хутшăнă-вĕсен пай пуçлăхĕ М. Калмыков. (Хамăр корр.).
Источник: "Авангард" (газета Батыревского района)