28 мая 2014 г.
ШКУЛ ачисемшĕн хаваслă та вăрăм каникул пуçланать. Вăл пуриншĕн те асра юлмалла, усăллă ирттĕр. Чылайăшĕ çак тапхăрта лагерьсенче, кану çурчĕсенче хул-çурăмне тĕреклетĕ, пиçĕхĕ. Теприсем вара ялтах вăхăтне ирттерĕç, ашшĕ-амăшне пулăшĕç. Кирек мĕнле пулсан та кану вăхăтĕнче шăпăрлансем те, аслăраххисем те урамра хĕвĕшеççĕ. Ку чухне çул çинче велосипедпа, мотоциклпа ярăнакан ачасем йышлă. Çавăнпа водительсен çулла тимлĕхе икĕ хут ỹстерме тивĕ. Ахальтен мар ĕнтĕ районти ГИБДД уйрăмĕ майăн 12 _ июнĕн 15-мĕшĕсенче "Асăрханăр _ ачасем!" ятарлă акци йĕркелеме йышăннă.
Источник: "Авангард" (газета Батыревского района)