28 мая 2014 г.
НУМАЙ пулмасть Патăрьелĕнчи Ленин проспектĕнче çур çĕр çитеспе тăруках тĕтĕм-сĕрĕм йăсăрланма пуçланă. Пу-ушар! Вут-çулăма парăнтарма Патăрьелĕнчи пушар хуралĕн машинисемсĕр пуçне Çĕнĕ Ахпỹртри, Сăкăтри, Нăрваш Шăхалĕнчи, Турханти васкавлă пулăшу техникисем шутлă минутрах çитнĕ. Инкеке çур сехетрен парăнтарнă темелле.
Пушарниксемпе пĕрлех "хĕрлĕ автанпа" кĕрешме уйрăм хастарсем те çаннисене тавăрнă. Районти пушар надзорĕн аслă инспекторĕ А. Тукмаков хаçат редакцине пĕлтернĕ тăрăх, çывăхра пурăнакан В. Маркиданов, А. Плешков, С. Салмин инкеке сиссенех вут-çулăмпа кĕрешекенсемпе танах шыв саптарнă, ытти ĕçсене пурнăçлама пулăшнă. Маттур!
Источник: "Авангард" (газета Батыревского района)