23 января 2013 г.
ИРТСЕ кайнă аçтаха çулĕнче районта 561 çыннăн пурнăçĕ татăлнă. Вĕсенчен 286-шĕ арçынсем, ыттисем – хĕрарăмсем. Вăтам кун-çула илес пулсан, çакна палăртмалла: çемье пуçлăхĕсем ача амăшĕсенчен 15 çул сахалтарах пурăнаççĕ. 62-ри арçын вăй питти çеç темелле, вĕсем вара ĕмĕрлĕх тĕнчене куçаççĕ.
Районти 56 ялтан 27-шĕнче вилеслĕх шайĕ чакнă. Анчах 25-шĕнче çак кăтарту маларахри çулпа танлаштарсан ÿсни пăшăрхантарать. Люля, Çĕнĕ Чĕпкас, Апрушнай, Хурама Твар ялĕсенче вара пĕлтĕр пĕр пумилкке те пулман.