31 мая 2014 г.
Пушар хăрушсăрлăх йĕркисене пăхăннине, вут-кăварпа пулакан йывăрлăхра ачасем хăйсене мĕнле тытма пĕлнине, ку тĕлĕшпе пропаганда ĕçне мĕнле пурнăçланине тĕрĕслес, творчество пултарулăхне хаклас тĕллевпе рйонти ВДПО уйрăмĕ, пушар чаçĕпе надзорĕ, райадминистрацин вĕрентỹ пайĕ районта ятарлă конкурс ирттернĕ. Ăна виçĕ ушкăнпа йĕркеленĕ. Çак кунсенче конкурс çĕнтерỹçисене палăртнă. Кĕçĕннисем ушкăнĕнче Сăкăтри "Родник" ача садĕнчи Келли Мишина (воспитательници Н. Горбунова) çак тупăшура виççĕмĕш вырăн йышăннă. Аслă çулхисем хушшинче вара Шăнкăртамри Феизов ячĕллĕ вăтам шкулти Ильназ Калайбашев (вĕрентекенĕ Ф. Юсупов) пĕрремĕш вырăна çĕнсе илме пултарнă.
А. ТАРАСОВА, районти ВДПО уйрăмĕн инструкторĕ
Источник: "Авангард" (газета Батыревского района)