04 июня 2014 г.
НУМАЙ пулмасть Мускав облаçĕнче хăвăрт утакансен фестивалĕ иртнĕ. Унта Чăваш Ентен виçĕ спортсмен хутшăннă. Вĕсенчен пĕри _ пирĕн ентешĕмĕр, Треньел каччи К. Фролов. Хальхинче ăнăçу пуриншĕн те йăл кулнă: пĕр ылтăн, икĕ кĕмĕл медаль çĕнсе илнĕ. Кирилăн черетлĕ ылтăнĕ вара пирĕншĕн уйăрмах паха. Çĕр-шывăн тĕп хулинче виççĕмĕш курсра вĕренекен каччă вунă çухрăма 39 минут та 46 секкунтра хыçа хăварма пултарнă.
Студент çуллахи каникулта тăван ялĕнче ĕçлесе пи-çĕхесси е канасси паллă мар-ха. Мал ĕмĕтлĕ çамрăк спортри пултарулăхне туптас, çитĕнĕве çĕнетес тĕллевпе Хусанта студентсем хушшинче иртекен Пĕтĕм Раççейри ăмăртăва, ун хыççăн Раççей чемпионатне хутшăнма хатĕрленет.
Источник: "Авангард" (газета Батыревского района)