11 июня 2014 г.
РАÇÇЕЙ кунĕпе çыхăннă уяв эрне варрине лекет пулин те тивĕçлĕ канăва тухнисем пенси укçине кая юлмасăр (графикран пĕр кун маларах та) илсе пырĕç. Районти Пенси фончĕ çакна çирĕпех шантарать. Ку тĕлĕшпе Перекет банкĕ 12-17-мĕшĕсенче тивĕçлĕ кĕмĕле алла илекенсене июнĕн 10-мĕшĕнчех укçа куçарса парать.
Сăмах май каласан, чылайăшне районти тĕп больницăн ĕç графикĕ те кăсăклантарĕ. Шурă халатлисем уяв кунĕнче тата вырсарнинче канаççĕ. Ыттисенче вара яланхи йĕркепех пациентсене йышăнаççĕ.
Источник: "Авангард" (газета Батыревского района)