02 июля 2014 г.
АЧАСЕН çуллахи каникулĕ малалла тăсăлать. Вăл инкек-синкексĕр те усăллă ирттĕр, çак тапхăрта преступлени ан пултăр тесе районти шалти ĕçсен пайĕн çул çитмен ачасемпе ĕçлекен пайпа вырăнти хăй тытăмлăх органĕсем, районти опекăпа попечительство, социаллă хỹтлĕх, сывлăх сыхлавĕн тата ытти яваплă службăсем вĕренекенсене çак тапхăрта пĕрлехи тимлĕхрен кăлармĕç. Çак тĕллевпе июнĕн 20-мĕшĕнчен пуçласа "Çул çитмен ача" операци пуçланнă. Вăл виçĕ тапхăрпа иртет, августăн 14-мĕшĕнче вĕçленет. Унăн тĕп тĕллевĕ _ йывăр, ăнăçсăр, социаллă пулăшу кирлĕ çемьесенчи çул çитмен ачасем мĕнле пурăнннине, вăхăчĕсене епле ирттернине сăнаса тăрасси, кирлĕ пек пулăшу парасси.
Источник: "Авангард" (газета Батыревского района)