Публикации » Тарлани харама кайман

30 января 2013 г.

РАЙОНТА иртекен чылай ăмăртусенче час-часах Патăрьелĕнчи пĕрремĕш, Аслă Чементи, Первомайскинчи вăтам шкул спортсменĕсем малти вырăнсене çĕнсе илнине курма пулать. Асăннă коллективсенче ачасене физкультурăпа тарăн пĕлÿ парас, сывă пурнăç йĕркине хăнăхтарас ĕçре специалистсем чăнласах та тăрăшса ĕçлеççĕ. Çакна вĕсем нумай пулмасть республикăра иртнĕ олимпиадăна хутшăнса тепĕр хут çирĕплетсе панă. Ултă сехет ытла тăсăлнă тупăшăва (теорипе практика пĕрле) çак шкулсенчен ултă каччăпа пилĕк хĕр хутшăннă. Вăрах вăхăт тарлани харама кайман. Д. Софроновпа М. Мальцева (вĕрентекенĕ В. Падисов), А. Кадушкинпа Н. Зотова (вĕрентекенĕ П. Макаров), А. Верликов (вĕрентекенĕ В. Матюшкин) çĕр ытла ача хушшинче олимпиада призерĕсем пулса таврăннă.