09 июля 2014 г.
ĔНЕР паллă тунă Çемье тата юратупа шанчăклăх кунĕ календаре тахçанах çырăннă уяв мар. Петрпа Феврония çветтуйсен таса туйăмне хисеплесе уйăрса илнĕ паллăна йăлана кĕртме пикенни улттăмĕш çул çеç-ха. Апла пулин те унăн пĕлтерĕшĕ пысăк. Пирĕн паянхи общество мĕнле пуласси кашни çемьерен килет-çке. Район пурнăçĕпе аталанăвĕ, унăн малашлăхĕшĕн те вăл пысăк вăй. Çавăнпа та район администрацийĕн пуçлăхĕ Николай Глухов Юхмапа Пăла тăрăхĕнче тĕпленнĕ кашни çемьенех çак уяв ячĕпе саламласа килĕшỹ те çураçу, ырă кăмăлпа юрату, пысăк ăнлану суннă. Çавăн чухне пурин те ăнăçу та, çитĕнỹ те пулĕ.
Источник: "Авангард" (газета Батыревского района)