06 августа 2014 г.
ÇУЛ çитмен ачасемпе ĕçлекен комисси членĕсемпе райадминистрацин опека, районти шалти ĕçсен пайĕн çул çитменнисемпе тимлекен пай сотрудникĕсем тăтăшах пĕрлехи рейдсем ирттереççĕ. Хальхи вăхăтра "Подросток" операци виçĕ тапхăрпа иртет. Утă уйăхĕн 14 _ 24-мĕшĕсенче çак операцин иккĕмĕш тапхăрĕ пулчĕ. Операцие ачасем çуллахи каникулта преступлени ан туччăр, вăхăчĕсене усăллă та тирпейлĕ ирттерччĕр тесе йĕркеленĕ.
Операци вăхăтĕнче йĕрке хуралĕн ĕçченĕсем районти тĕрлĕ ял тăрăхĕсенче пулса рейдсем ирттернĕ. Çав тапхăрта вĕсем ачисене тивĕçлĕ воспитани парассинчен пăрăнакан 50 çемьепе курса калаçнă. Çавăн пекех "йывăр" шăпаллă ачасемпе уйрăммăн курнăçнă, калаçусем ирттернĕ. Пĕр ача амăшĕн ячĕпе РФ УКăн 156 статйипе килĕшỹллĕн уголовлă ĕç пуçарнă.
Источник: "Авангард" (газета Батыревского района)