09 августа 2014 г.
ШКУЛ ачисемшĕн хаваслă та шавлă çуллахи каникулăн шутлă кунĕсем юлчĕç. Сентябрĕн 1-мĕшĕнче вĕсен черетлĕ вĕренỹ тапхăрĕ пуçланать. Райадминистрацин вĕрентỹ пайĕнчен пĕлтернĕ тăрăх, кăçал пирĕн районта 4499 ача парта хушшине ларĕ. РФ вĕрентỹ министерстви 2014-2015 вĕрентỹ çулĕнче шкулсенче ачасене уйрăмах çĕр-шыва юратма, патриотла кăмăл-туйăм тата таса кăмăл-сипетлĕ пулма вĕрентес тĕллевпе ятарлă уроксем ирттерме сĕнет. Унсăр пуçне вĕрентекенсен Тăван çĕр-шывăн Аслă вăрçинче çĕнтернĕренпе 70 çул, Бесланри çивĕч хирĕçỹллĕ пăтăрмахсем иртни 10 çул, Сергей Радонежский çуралнăранпа 700 çул çитнине тата историпе çыхăннă ытти темăсене те хускатма тивĕ.
Источник: "Авангард" (газета Батыревского района)