Публикации » ППЭ йĕрки çирĕпленсех пырать, анчах…

09 августа 2014 г.

РАЙОНТА кăçалхи патшалăхăн пĕрлĕхлĕ экзаменне 341 ача хутшăннă. Вĕсенчен тĕрĕслев витĕр 97,8 проценчĕ анчах тухайнă. 20-шĕ тĕрлĕ сăлтава пула алла аттестат илеймен. Райцентрти пĕтĕмĕшле пĕлỹ паракан 1-мĕш вăтам шкулта йĕркеленĕ экзамен пункчĕн санузелĕнче математикăпа экзамен пуçланиччен сехет çурă маларах вырăнти прокуратура представителĕсем кĕсье телефонĕ тата справка материалĕсем тупнă. Çак пункт ертỹçипе йĕркелỹçи тивĕçлĕ тĕрĕслев ирттерменнине палăртнă. Ку çитменлĕхсене çийĕнчех пĕтернĕ пулин те район прокуратури должноçри икĕ çынна дисциплина ĕнĕпе явап тыттарнă.

Нина МАЗЯКОВА пухнă.

Источник: "Авангард" (газета Батыревского района)