13 августа 2014 г.
Район администрацийĕн структура подразделенийĕсен ертỹçисемпе, ял тăрăх пуçлăхĕсемпе ирттернĕ черетлĕ канашлура район администрацийĕн пуçлăхĕ Н. Глухов чи çивĕч ыйтусене хускатнă. Вĕсенчен пĕри _ çурлан 7-мĕшĕнче Чăваш Республикин Пуçлăхĕ М. Игнатьев районсемпе хуласенче тухса тăракан массăллă информаци хатĕрĕсен представителĕсемпе ирттернĕ пресс-конференци. Чăваш Ен ертỹçи журналистсене юлашки çулсенчи республика аталанăвĕ, çитĕнĕвĕ, малашнехи тĕллевĕсем пирки каласа панă.
Канашлурах район пурнăçĕпе çыхăннă ыйтусене те хускатнă: çĕнĕ вĕренỹ çулне хатĕрленесси, котельнăйсене хĕллехи тапхăр валли тирпейлесе çитересси тата ытти те. Ларурах хуçалăхсенче вырма ĕçĕсем пирки те калаçу хускатнă, чылай ыйтăва çивĕчлетнĕ.
Хамăр корр.
Источник: "Авангард" (газета Батыревского района)