Публикации » Пилĕк çул кирпĕч шутлама тивĕ

27 августа 2014 г.

Нумаях пулмасть район прокуратура ĕçченĕсем Патăрьелĕнчи 55 çулхи пуçтах пирки ĕçне вĕçлесе приговор вуланă. Ăна РФ УК 111 статйин 4-мĕш пайĕпе килĕшỹллĕн çын вĕлернĕшĕн айăплаççĕ. Ĕç-пуçĕ акă еплерех çаврăнса тухнă. Хĕллехи пĕр каçхине арçын Комаров урамĕнче пĕччен пурăнакан пĕр кинемей патне килет. Çĕрлехи хăнана кĕртесшĕн пулман. Апăрша нумай шутласа тăмасть картишĕнче выртакан пăталлă хăмана илет те хĕрарăма хĕнеме тытăнать. Лешĕ вăйран кайса çĕр çине ỹксен, картиш алăкне хупса тухса каять. Аманнă карчăк йывăр сурансене пула вилет. Куншăн пакунлисем пуçран шăлманни паллă ĕнтĕ, преступникăн пилĕк çул кирпĕч шутлама тивет.

Источник: "Авангард" (газета Батыревского района)