06 сентября 2014 г.
АВГУСТĂН 30-мĕшĕнче Хусанта тĕрлĕ халăх хушшинчи лашасен ăмăртăвĕ иртнĕ. Унта Чăваш Енрен пурĕ 6 лаша старта тăнă, вĕсенчен 4-шĕ _ пирĕн район урхамахĕ.
"Халăхсен хушшинчи туслăх" номинацинче 2400 метр дистанцие Пăлапуç Пашьелĕнчи Лариса Кузьмичеван Комбинатор лаши (тилхепине тытаканĕ _ С. Кузьмичев) 3.08.7 вăхăтпа чупса тухса 250 пин тенкĕ çĕнсе илнĕ. "Рангоут" призне (1600 метра чупса) Патăрьелĕнчи В. Мироновăн Апрель урхамахĕ тивĕçнĕ. Тăваттăмĕш вырăнта _ Тикешри А. Красновпа П. Ефимовăн _ Газик, улттăмĕшĕнче _ Шăнкăртамри А. Хамбиковăн Сахалин лашисем.
Источник: "Авангард" (газета Батыревского района)