06 сентября 2014 г.
Авăнăн 4-мĕшĕнче Чăваш Ен Пуçлăхĕ Михаил Игнатьев Мускавра пурăнмалли строительствăна аталантармалли федераллă фондăн генеральнăй директорĕпе А. Браверманпа тĕл пулнă. Калаçу çурт-йĕр строительствин проекчĕсене пурнăçа кĕртсе пыни çинчен пынă.
Александр Браверманн Чăваш Енри министрсен кабинечĕпе фонд хушшинчи килĕшỹ тĕллевлĕ пурнăçа кĕрсе пынине ырласа палăртнă. Акă 6,3 гектар çинче 4 пурăнмалли çурт икĕ ача сачĕсемпе хута кайнă. 100 пин тăваткал метр ытла пурăнмалли кĕтес ĕçе кĕртнĕ.
Михаил Игнатьев Александр Бравермана республика территорийĕнче строительство индустрийĕн производство обьекчĕсене тата пурăнмалли çурт-йĕре вырнаçтарма тата 304,89 гектар çĕре усă курма ыйтнине саккунпа килĕшỹллĕн татса пама сĕнчĕ.
Тĕл пулу вăхăтĕнче ытти ыйтусене те çĕкленĕ.
Источник: "Авангард" (газета Батыревского района)