10 сентября 2014 г.
КĂÇАЛ пирĕн районти шкулсенчен 315 ача вĕренсе тухнă. Вĕсенчен _ 214-шĕ аслă шкулсене (66 процент), 90-шĕ - техникумсене (27 процент), 6-ăн колледжсене (3 процент) малалла вĕренме кĕнĕ. Акă, Патăрьелĕнчи 2-мĕш вăтам шкулта вĕреннĕ А. Бородовпа В. Раськин Сызраньти аслă çар авиаци училищинче ăс пухаççĕ. Вĕсем иккĕшĕ те шкула аван паллăсемпе пĕтернĕ.
Республикăри 30 ача летчик пулма ĕмĕтленнĕ. Анчах 12-шĕ çеç училищĕне вĕренме кĕрейнĕ, вĕсен йышĕнче иккĕшĕ пирĕн ентеш. Курсантсене вĕренỹре пысăк çитĕнỹ тата ăнăçу сунатпăр.
Источник: "Авангард" (газета Батыревского района)