10 сентября 2014 г.
РАЙОНТИ халăха социаллă хỹтлĕх паракан пайран пĕлтернĕ тăрăх, Юхмапа Пăла тăрăхĕнче "Ĕç ветеранĕ" хисеплĕ ята тивĕçнисем 4669 çын. Вĕсенчен "Чăваш Республикин ĕç ветеранĕ" ята 1152 илнĕ. Çак кунсенче хисеплисен йышне тата 8 çын хутшăннă. Хальхинче ăна Патăрьелĕнчи М. Сепперов, Е. Голубева, И. Марков, А. Александров, Алманчăри Н. Пахомов, Первомайски ял тăрăхĕнчен Н. Михалуков, Туçа ял тăрăхĕнчен В. Мясниковапа А. Жуков тивĕçнĕ. Вĕсене Наталья Федоськина директор çумĕ удостоверенисем парса саламланă.
Аса илтеретпĕр: Указпа килĕшỹллĕн тĕрлĕ наградăсăр пуçне, ĕç стажĕ 40 тата 45 çул пуçтарăннă хĕрарăмсемпе арçынсем те çак хисеплĕ ята илееççĕ.
Источник: "Авангард" (газета Батыревского района)