13 сентября 2014 г.
РАÇÇЕЙ Федерацийĕнчи миграци лару-тăрăвĕ паянхи кун питĕ çивĕч пулнă май, РФ УФМСĕн районти уйрăмĕ Юхмапа Пăла тăрăхне килен-каян çынсене тĕрĕслесех тăрать.
Кăçалхи январь-август уйăхĕсенче пирĕн районта ют çĕр-шывăн 228 гражданинне учета илнĕ. Вĕсен хушшинче Украинăран, Азербайджанран, Узбекистанран, Казахстанран, Германинчен, Эстонирен, Иорданран та пур. Вĕсенчен 13-шĕ яланлăхах пурăнакан вырăнта регистрациленнĕ. Вăхăтлăх пурăнма 25 гражданин ирĕк илнĕ.
2014 çулта ку таранччен 78 гражданина уйрăм çынсем патĕнче тăрăшма патент панă.
Источник: "Авангард" (газета Батыревского района)