17 сентября 2014 г.
ПУРĂННĂ пулсан паян Иван Моисеевич Матросов 80 çул тултаратчĕ. Шел те, 6 çул каялла вăл пиртен ĕмĕрлĕхех уйрăлса кайрĕ. Иван Моисеевич паллă журналист-публицист, тавра пĕлỹçĕ. Вăл Чăваш Ишек ялĕнче çуралса ỹснĕ. Журналистика ĕçне "Авангард" хаçат редакцийĕнчен пуçланă. Кайран вăл "Коммунизм ялавĕ" хаçатра ĕçлет. Ентешĕмĕр хăй хыççăн пысăк йĕр хăварнă: хуçалăх, ял историне, уйрăм çынсен кун-çулне тĕпчес ĕçре пысăк тỹпе хывнă, пилĕк кĕнеке пичетлесе кăларнă. Патăрьел энциклопедине кăларас ĕçре те хастар хутшăннă вăл.
Иван Моисеевич кирек ăçта ĕçленĕ вăхăтра та тỹрĕ чунлăхĕпе, сăпайлăхĕпе, çынсене пулăшма, ертсе пыма пĕлнипе палăрса тăнă. Унăн ырă ĕçĕсем районти халăх асĕнчен тухмĕç.
Источник: "Авангард" (газета Батыревского района)