17 сентября 2014 г.
САККУНЛĂХА çирĕплетес, граждансен прависене хỹтĕлес, право йĕркине сыхлакан хăй тытăмлăх органĕсен ĕç-хĕлне сăнаса тăрас тĕлĕшпе тăрăшаççĕ прокуратура ĕçченĕсем. Çавна май район прокуратури тĕрлĕ рейдпа тĕрĕслевсем йĕркелет. Акă, нумаях пулмасть, Патăрьелĕнчи нумай хваттерлĕ çуртсенче пурăнакансен право йĕркине сыхлас тĕллевпе тĕрĕслев ирттернĕ. Вĕсем "Управдом" пĕрлешỹ администрацийĕ саккуна пăснă тĕслĕх тупса палăртнă. Управляющи компани çынсемпе килĕшсе сỹтсе явмасăрах хваттершĕн уйăхсерен тỹлемелли хака ỹстернĕ. Ку вара çынсен пурăнмалли çурт-йĕр ыйтăвне пăсни пулать. "Управдом" тĕлĕшĕпе административлă ĕç пуçарнă, РФ КоАП 14.6 статйин 2-мĕш пайĕпе айăпласа 50000 тенкĕ штраф панă. Саккуна пăсма никама та ирĕк паман.
Источник: "Авангард" (газета Батыревского района)