24 сентября 2014 г.
АВГУСТĂН 19-мĕшĕнче федераци миграци службин Раççей Федерацийĕн гражданинĕсен паспорчĕсене илессипе çыхăннă патшалăх пулăшăвĕсен администраци регламенчĕ вăя кĕнĕ. Ют çĕр-шыва каймалли паспорта илес тесен заявлени çырма РФ паспорчĕ, 18 çултан пуçласа 27 çулхи арçынсен çар билечĕ, патшалăх пошлинине тỹленин квитанцийĕ кирлĕ.
Паспорт киввинчен çак паллăсемпе уйрăлса тăрать: 10 çула параççĕ; суя паспортран сыхланас шайĕ пысăк; страници нумай. Юлашки чикĕ урлă часа-часах каçса çỹрекенсемшĕн аван. 2015 çулхи январĕн 1-мĕшĕнчен пошлина тỹлевĕ ỹсет. Çĕнĕ паспорт илме районта пурăнакансем çак адреспа заявлени çырма пултараççĕ: Патăрьел ялĕ, Ленин проспекчĕ, 5-мĕш çурт, МФЦ кабинечĕ. Тĕплĕнрех 8(83532)6-13-60 номерлĕ телефонпа ыйтса пĕлме май пур.
Источник: "Авангард" (газета Батыревского района)