01 октября 2014 г.
Юпа уйăхĕн 9-11-мĕшĕсенче Чăваш Ен тĕп хулинче çĕр-шыври спорт отраслĕнчи чи тĕп пулăм _ "Раççей _ спорт çĕр-шывĕ" форум иртет. Форума 4 пин ытла делегат хутшăнать.
Ĕçлĕ программăпа килĕ-шỹллĕн тĕрлĕ канашлусемпе дискусси сессийĕсем, çавра сĕтелсем, конференцисем, мастер-классем йĕркелеççĕ. Пуçласа форумра юридика шкул-практикумĕ иртет. Унта спорт правине аталантарас çивĕч ыйтусене пăхса тухаççĕ.
Мастер-классем ытларах Çĕнĕ Шупашкарти спорт комплексĕнче тата Шупашкарти спорт шкулĕсенче иртеççĕ. Республика лапамĕнче Пĕтĕм тĕнчери "Хальхи спорт: çĕнĕлĕхсем тата малашлăх" выставка ĕçлĕ. "Мухтав аллейинчи" Раççей Федерацийĕнчи регионсем физкультурăпа спортра тунă çитĕнĕвĕсемпе паллаштараççĕ.
Источник: "Авангард" (газета Батыревского района)