04 октября 2014 г.
МУСУЛЬМАН тĕнне тытса пыракансемшĕн паян пысăк праçник _ Курбан Байрам пуçланчĕ. Çак ятпа вĕсем виç-тăватă кун хушшинче килсерен тенĕ пек чỹклесе те асăнса сурăх пусаççĕ, какайне вара хăйсен çемйипе е çывăх çынсемпе çеç çимеççĕ, тăлăхсене, пĕччен пурăнакансене, чухăнсене парса пулăшаççĕ. Ырă ĕçшĕн вара хуçасене хăйсенех сăвап пулĕ. Сăмах май каласан, ĕлĕкрех çак тĕллевпе тутарсем хăйсен килĕнчех сурăх тытса самăрлатнă. Халĕ вара хĕлĕн-çăвĕн кĕрĕкпе çỹрекен выльăха укçалла туянаççĕ. Тĕрĕссипе йỹнех те мар: тăпăлкка кĕлеткеллишĕн пилĕк пинлĕ хĕрлине ыйтаççĕ.
Источник: "Авангард" (газета Батыревского района)