Публикации » Хĕрли е симĕсси _ асăрханăр! Пулĕ усси!

11 октября 2014 г.

 КОМПЬЮТЕР ĕмĕрĕнче пурăнакан этем ку чухне темĕн те шутласа кăларать. Производствăра çĕнĕрен те çĕнĕ таварсем тухни çакнах çирĕплетет. Анчах çыннăн пуçĕпе аллиех общество пурнăçĕнчи кутăнла ĕçсене те вăя кĕртме маçтăр. Юлашки вăхăтра йĕрке хуралĕн сотрудникĕсем республикăра суя укçасем нумайланнине çине-çинех асăрхаттараççĕ. Мошенниксем ытларах 5000лĕх купюрăсене çаврăнăша яма тăрăшаççĕ-мĕн. Шупашкарта çеç çакнашкал 116 тĕслĕхе тупса палăртнă. Суя кĕмĕлсем хушшинче 1000 тата 500 тенкĕлĕх банкнотсем те тĕл пулаççĕ. Усалăн ури саккăр теççĕ. Ултавлă укçасем пирĕн тăрăха та килсе çакланма пултараççĕ. Çавăнпа та суту-илỹ ĕçченĕсен çеç мар, уйрăм граждансен те шанчăклă кĕмĕле çеç енчĕке чиксе хумалла, иккĕленỹ çуралсанах полицине пĕлтермелле.

Источник: "Авангард" (газета Батыревского района)