15 октября 2014 г.
ИРТНĔ шăмат кун, çур çĕр иртсен, Тикеш çывăхĕнчи автоçул çинче авари пулнă. Пăтăрмах синкерлĕхпе вĕçленнĕ. 28 çулхи çамрăк "Форд Фокус" çăмăл машинăпа пынă чухне умĕнчи рульне итлеттерейменрен кювета чăмнă. Каччă пысăк хăвăртлăхпа пыни, хăрушсăрлăх пиçиххийĕпе çыхăнманни те паллă. Машина 73 метра ыткăнса, пĕтĕрĕнсе кайнă",_ пĕлтерчĕ кун пирки редакцине районти ГИБДД начальникĕ А. Петров. Паянхи кун тĕлне вара Юхмапа Пăла тăрăхĕнче 36 автоавари пулнă.
_ Çул çинче пулакан инкексен ытларах пайĕн сăлтавĕ _ водитель ỹсĕрле çула тухни. Ку тĕлĕшпе профилактика мероприятийĕсем тăтăшах йĕркелетпĕр. Акă, октябрĕн 17 _ 18-мĕшĕсенче те "Ỹсĕр водитель" операципе рейда тухăпăр, _ пĕлтерчĕ тепĕр хыпар Александр Аркадьевич.
Источник: "Авангард" (газета Батыревского района)