18 октября 2014 г.
КУ ЧУХНЕ Юхмапа Пăла тăрăхĕ "хурçă утсен" шучĕпе республикăра лидерсем хушшинче пулин те обществăлла транспортпа _ автобуспа е газельпе _ çула тухакансем те сахал мар. Çынсене унталла та кунталла илсе çỹрекен техника яланах юсавлă та пĕр кăлтăксăр пулмалли каламасăрах паллă. Анчах та тепĕр чухне водительсем вăл "чирлине" пăхмасăрах теветкеленсе çула тухаççĕ. Çитес эрнере, октябрĕн 20-25-мĕшĕсенче, иртекен "Автобус" операцинче çул-йĕр инспекторĕсем шăпах йĕркене пăхăнмасăр çула тухакансене тупса палăртĕç, серепене çакланнисене явап тыттарĕç.
Районти тĕп гаишник А. Петров хаçат редакцине пĕлтернĕ тăрăх, автобуссем пирĕн районта сахалах мар: ик çĕр ытла та. Вăл шутра шкул ачисене илсе çỹрекенни _ 24.
Источник: "Авангард" (газета Батыревского района)