Публикации » Айхи кунĕсене ирттерĕç

18 октября 2014 г.

 ТĔНЧЕ шайĕнче ят-сум çĕнсе илнĕ ентеш-поэтăмăр 80 çул тултарнă ятпа йĕркелекен мероприятисем республикăра малалла та тăсăлаççĕ-ха. Чăваш Енри "Айхи фончĕ" общество организацийĕ йĕркеленипе юпа уйăхĕн 18-20-мĕшĕсенче Çĕнĕ Шупашкарти Ю. Гагарин ячĕллĕ тĕп вулавăшра та Айхи кунĕсем иртĕç. Малтанхи кунĕ вара Чăваш Наци вулавăшĕнче пресс-конференцирен пуçланĕ. Иккĕмĕш кунхине Г. Айхин 12 чĕлхепе тухнă "Мир Сильвии" кĕнекине хăтлĕç, унта поэтăн хайлавĕсене куçаракансем, унăн пултарулăхне тĕпчекенсем хутшăнĕç. Юлашкинчен вара калем ăстисемпе ăна хисеп тăвакансем тăван ялĕнче _ Çĕньялта _ ентешĕмĕрĕн вил тăпри çине çитсе пуç тайма шухăшлаççĕ.

Источник: "Авангард" (газета Батыревского района)