22 октября 2014 г.
ÇАПЛА нумай енлĕ хаклама пулать пиртен вăхăтсăр леш тĕнчене куçса кайнă В. Киданова. Пирĕнпе юнашар пулнă пулсан, Пăлапуç Пашьелĕнче çуралса ỹснĕ чăваш саккăрмĕш теçетке тултаратчĕ. Виталий Яковлевич кун-çулĕ сарăмсăр та пĕр йĕрсĕр мар. Кирек ăçта ĕçлесен те вăл хăйĕн пултарулăхĕпе, анлă тавра курăмĕпе палăрса тăнă. Ĕç кĕнеки унăн учительтен пуçланнă. Каярахпа вара парти райкомĕнче те, районта тухса тăракан "Авангард" хаçатра та, районти "Çăкăр" историпе этнографи музейĕнче те тăрăшнă. Ахальтен мар ĕнтĕ ăна сума суса тата хисеп туса музейра иртнĕ эрнере пултарулăх каçне йĕркеленĕ.
Источник: "Авангард" (газета Батыревского района)