29 октября 2014 г.
ÇАК ятпа иртнĕ районти çамрăксем хушшинчи КВН финалĕ. Савăнăçлисемпе тавçăруллисен финалти шỹтлĕ мероприятине Культура çулталăкне халалланă. Унта чи-чи пултаруллă командăсем хутшăннă.
Хисеплĕ жюри членĕсем сцена çинчи артистсене виçĕ енĕпе хакланă тата пахаланă: салам сăмахĕ, "Новости субкультуры" темăпа пĕрер ыйту тата "Культурным быть не запретишь" ятпа килти ĕç. Кашниех хăйĕн тавçăрулăхĕпе, маçтăрлăхĕпе уйрăлса тăнă. Çапах та, кирек мĕнле ăмăртури пекех, вăйлинчен вăйлисене уйăрса илмех тивнĕ. Патăрьелĕнчи пĕрремĕш вăтам шкулти "Первые" членĕсем чăннипех те хăйсем суйласа илнĕ ята тỹрре кăларнă, республикăри КВН-фестивале кайса район чысне хỹтĕлеме тивĕçнĕ. Иккĕмĕш вырăнта _ Патăрьелĕнчи иккĕмĕш тата Пăлапуç Пашьелĕнчи вăтам шкул хастарĕсем, виççĕмĕшĕнче _ Хирти Пикшиксемпе Тутар Сăкăтсем тата Патăрьелĕнчи ял хуçалăх техникумĕн çамрăкĕсем.
Источник: "Авангард" (газета Батыревского района)