12 ноября 2014 г.
Чăваш Ен Пуçлăхĕ Михаил Игнатьев "Чăваш Республикин халăхсен этнокультура аталанăвĕ" ятпа ирттернĕ "çавра сĕтел" ĕçне хутшăннă.
Чăваш Енре 128 халăх çынни пурăнать. Республика Пуçлăхĕ Аслă Раççей халăхĕсем пĕр çемьери пек килĕштерсе пурăнаççĕ пулсан та кашнийĕшĕ хăйĕн чĕлхине, ĕненĕвне, культурине, йăли-йĕркине сыхласа хăварнине, пăтрашуллă саманара та пĕр чăмăра чăмăртаннине, хăйĕн пултаруллă вăйне кăтартнине, çавăн пекех Раççей халăхĕпе пĕр шухăшлă пулнине палăртса Украинăран тарса килме тивнĕ 3925 çынна йышăннине, "Раççей _ спорт çĕр-шывĕ" Пĕтĕм тĕнчери форум Шупашкарта çỹллĕ шайра иртнине палăртнă.
Наци культурисен "Раççей халăхĕсен пĕр çемйи" республика фестивалĕнче тĕрлĕ халăх çыннисем хăйсен пуян культурине, йăли-йĕркине, наци апачĕн пуянлăхне кăтартакан куравсем йĕркеленĕ.
Источник: "Авангард" (газета Батыревского района)