15 ноября 2014 г.
РАЙОНТИ "Авангард" хаçатпа çыхăну тытакансем сăнанах-тăр ĕнтĕ, хамăр тăрăхра пурăнакан вăрăм ĕмĕрлĕ юбилейçăсен, ветерансен, тыл хастарĕсен, салтак арăмĕсен кун-çулĕпе ĕçри хастарлăхĕ пирки тăтăшах çыратпăр. 90, 95, 100 çул тултаракан ватăсен ячĕпе Раççей Президенчĕн саламне алăранах тыттарма сумлă ушкăн ятарласа килне каясси те йăлана кĕчĕ темелле. Ноябрь уйăхĕнче çеç вăрăм ĕмĕрлĕ вун пĕр ватă кăмăлне тупса саламлама тивĕ. Сăмах май каласан, паянхи куна Юхмапа Пăла тăрăхĕнче вĕсем сахалăнах та мар _ тăххăрмĕш теçетке урлă каçнисем икçĕр ытла çын. Çак чыса вĕсем пурте куç пек кĕтеççĕ.
Источник: "Авангард" (газета Батыревского района)