19 ноября 2014 г.
ХĔЛЛЕХИ Микулаччен вăхăчĕ самаях пулин те, Хĕлип хĕрĕн малтанхи паллисене туйма ĕлкĕртĕмĕр. Эрне пуçламăшĕнче урамра вунă градус ытла та сивĕ пулчĕ. Çакă вара пире вут-кăварпа çыхăннă ĕçсенче питĕ асăрхануллă пулмаллине тепĕр хут аса илтерет. Уйрăмах мунча хутнă чухне пушар хăрушсăрлăх йĕркисене çирĕп пăхăнмалла: кăмакине, тĕтĕм тухакан мăрйине юсамалла, вĕсем çумне хăвăрт хыпса илекен япаласем вырнаçтармалла мар, çунакан кăмакана никамсăр пăрахса хăвармалла мар тата ытти те. Урăхла каласан мунча ăшшине "хĕрлĕ вăкăр" ан явăçтăр тесен кил хуçисен тимлĕхе пĕр минутлăха та çухатмалла мар.
Источник: "Авангард" (газета Батыревского района)