13 февраля 2013 г.
Тутар Сăкăтĕнчи вăтам шкулта оборонăпа спорт ĕçĕсен уйăхлăхне хутшăнса тĕрлĕ мероприяти иртет. Çак ятпа Сталинград патĕнчи нимĕç фашисчĕсене çапса салатнă май 70 çул çитнине халалласа патриотла юрăсен конкурсĕ пулчĕ. Ăна Л. Хасянова музыка ертÿçипе Ч. Вахитова аслă вожатăй йĕркелесе ертсе пычĕç.
Кунти çапăçусем Тăван çĕр-шывăн Аслă вăрçинче тĕп вырăн йышăннă. Вĕсем 200 куна тăсăлнă. Совет халăхĕн паттăрлăхĕ çĕнтернĕ. Ытларах çакăн çинчен хунă юрăсем шăранчĕç конкурсра.
Вĕренекенсем “Котелок”, “Случайный вальс”, “Кто-то с горочки спустился...”, “Журавли” юрăсемпе инсценировкăсем те кăтартрĕç. Жюри 4 классен “День без выстрела”, виççĕмĕшсен “Солнечный круг” юррисене чи лайăххисем тесе палăртрĕ. З. Шарафутдинова “Тальяночка”, В. Салихова “Прадедушка”, М. Мусин “Офицеры” юрăсемпе мала тухрĕç. 9 классен ансамблĕ те çĕнтерÿçĕсен шутне кĕчĕ.
А. АБЯНОВА,
директорăн воспитани енĕпе ĕçлекен çумĕ.