06 декабря 2014 г.
РАЙОНТИ роспотребнадзор сотрудникĕсем хаçат редакцине пĕлтернĕ тăрăх, хальлĕхе пирĕн районта сунас, шăнса пăсăлнипе, пыр чирĕпе аптăранисене шута илмесĕр, гриппа тухтăрсен аллине çакланнисем çук-мĕн. Çакă, паллах, никамшăн та лăпланса лармалли сăлтав пулмалла мар. Ытларах чухне сывлăшпа ерекен усал вирус кирек хăш вăхăтра та çынна вăйран ярать. Çавăнпа та кашни çын харпăр-хăй гигиенине çирĕп пăхăнмалла, çын йышлă пулакан вырăнсенче вăрах çỹреме тăрăшмалла мар тата ытти те.
Сăмах май каласан, кăçалхи сезонта пирĕн районти 11800 çынна грипран прививка тунă, вăл шутра 3500 ачан организмне "гриппол плюс" вакцина янă.
Источник: "Авангард" (газета Батыревского района)