06 декабря 2014 г.
"Единая Россия" политика партийĕн Чăваш регион уйрăмĕн 21-мĕш конференцийĕнче пĕлтĕрхи сентябрь уйăхĕнчен пуçласа кăçалхи ноябрĕн 27-мĕшĕчченхи тапхăрти ĕç-хĕлне тĕплĕ тишкернĕ тата регион политканашĕн йышне çĕнетнĕ.
Конференцие Чăваш Ен Пуçлăхĕ Михаил Игнатьев хутшăннă. Делегатсемпе чĕннĕ хăнасен умĕнче каланă сăмахĕсенче Михаил Васильевич партин Чăваш регион уйрăмĕ республикăн социаллă пурнăçĕпе экономика аталанăвне витĕмлĕ тỹпе хывнине, хăйĕн усăлăхне сăмахпе мар, ĕçпе çирĕплетнине палăртнă.
Тĕп доклада "Единая Россия" политика партийĕн Чăваш регион уйрăмĕн секретарĕ Николай Малов тунă. Кăçалхи çул политикăри пĕлтерĕшлĕ пулăмсемпе палăрса юлать. Çитес çулта та вĕсем йышлă пулĕç. Вĕсенчен чи пысăк пĕлтерĕшли _ Чăваш Республикин Пуçлăхне пĕтĕм халăхпа сасăласа суйласси.
Уставпа килĕшỹллĕн конференци делегачĕсем регион политканашĕн йышне çĕнетнĕ, хастар ĕçпе палăрнисене тĕрлĕ наградăпа чысланă.
Источник: "Авангард" (газета Батыревского района)