Публикации » Ырă вăрăран ырă çимĕç çитĕнет

10 декабря 2014 г.

ШĂНКĂРТАМРИ Феизов ячĕллĕ вăтам шкулта район администрацийĕн вĕрентỹ, социаллă аталану, информаци тивĕçтерĕвĕпе архив ĕçĕсен пайĕ йĕркеленипе "2014 çулти чи лайăх волонтер отрячĕ" конкурс иртнĕ. Унта районти вăтам шкулсенчи 14-18 çулти ачасем хутшăннă. Вĕренекенсем хăйсен ĕçĕ пирки презентацисем кăтартнă, портфолиопа паллаштарнă. "Чĕрене ырăпа тултарар" музыка конкурсĕнче чун пуянлăхĕ пурнăçра пысăк вырăн йышăннине аса илтернĕ. Çитĕнекен ăру ырă усала çĕнтернине пурне те тепĕр хут ĕнентернĕ. Конкурсра Патăрьелĕнчи пĕрремĕш шкулти "Импульс" команда çĕнтерỹçĕ ятне тивĕçнĕ.

Источник: "Авангард" (газета Батыревского района)