Публикации » Ĕнер, раштавăн 9-мĕшĕнче, Тăван çĕр-шыв Геройĕсен кунне паллă тунă

10 декабря 2014 г.

Ку праçнике Раççейре çулсеренех паллă тăваççĕ. Ăна Раççей Президенчĕ 2007 çулхи нарăсăн 28-мĕшĕнче йышăннă Указпа çирĕплетнĕ. Революцичченхи Раççейрех Георги кавалерĕсен кунĕ пулнă, ăна раштавăн 9-мĕшĕнче уявланă. Çав кун кавалерсене пурне те _ ахаль салтаксене те, çарсен аслă командирĕсене те _ чысланă. Октябрьти революци хыççăн çав праçнике те, пур çар наградисене те пăрахăçланă. Президентăн 2000 çулхи Указĕпе Çветтуй Георгий Победоносец орденне чи аслă çар наградин статусне тавăрса панă. 2007 çулта вара Патшалăх Думи паттăрсене асра тытас тĕллевпе çав уява тепĕр хут паллă тума йышăннă.

Источник: "Авангард" (газета Батыревского района)