17 декабря 2014 г.
Район прокуратури Чăваш Республикинчи Патшалăх çурт-йĕр инспекцийĕн специалисчĕсемпе пĕрле районти патшалăх çурчĕсенче пурăнакансене пăхса тăракан организацисем 2014 _ 2015 çулсенчи хĕллехи хутмалли тапхăра мĕнле хатĕрленни пирки тĕрĕслев ирттернĕ.
Тĕрĕслев вăхăтĕнче çак организацисем çурт-йĕр законодательствипе çыхăннă йĕр-кесене пăхăнманнине тупса палăртнă. Управляющи компанисем тĕрĕслев вăхăтне вентиляципе тĕтĕм тухакан пăрăхсене пăхса яман пулнă. Çавăн пекех рейд вăхăтĕнче çурт тăррисене, мачча çийĕпе подвалсене, подъезд умĕсене кирлĕ пек пăхса тăманнине те тупса палăртнă.
"Чистое село" тата "УК Управдом" тулли мар яваплă обществăсен ертỹçисен ячĕпе çитменлĕхсене çывăх вăхăтрах пурнăçлама представлени çырнă, çурт-йĕрпе коммуналлă хуçалăхри асăрхаттарусене пĕтерме суда тавăç çырăвне ярса панă.
Должноçри икĕ çын ячĕпе çырнă представлени тăрăх суд тивĕçлĕ йышăну тунă.
Ю. ФУРАЖНИКОВ, район прокурорĕ
Источник: "Авангард" (газета Батыревского района)