17 декабря 2014 г.
Çитĕнекен ăрăва патриотла тата гражданла воспитани парас тĕллевпе çĕр-шыв Конституцийĕн кунĕнче РФ миграци службин Управленийĕн Патăрьелĕнчи уйрăмĕнче вун тăватă çул тултарнă граждансене çĕнĕ паспортсем парса чыс тăвасси ырă йăлана кĕнĕ. Хальхинче те ăна асра юлмалла йĕркеленĕ.
Мероприятие миграци службин районсем хушшинчи уйрăмĕн начальникĕ Г. Сугутский, Çамрăксен парламенчĕн председателĕн çумĕ, районти территори суйлав комиссийĕ çумĕнчи çамрăксен суйлав комиссийĕн членĕ Д. Федоськин, "Молодая Гвардия Единой России" Çамрăксен обществăлла организацийĕн районти ертỹçи В. Горбунова хутшăннă, вун тăватă çул тултарнă каччăсемпе хĕрсене Раççей Гражданинĕ пулнине ĕнентерекен хĕрлĕ хуплашкаллă паспорта илнĕ ятпа саламланă, документ пĕлтерĕшĕ, гражданинăн ирĕкĕпе тивĕçĕ пирки тĕплĕн ăнлантарнă, пурне те асăнмалăх парнесем парса чыс тунă.
Хамăр корр.
Источник: "Авангард" (газета Батыревского района)