20 декабря 2014 г.
Раштавăн 18-мĕшĕнче Раççей Федерацийĕн Президенчĕ В. Путин массăллă информаци хатĕрĕсен представителĕсемпе ирттернĕ пысăк пресс-конференци пирĕн çĕр-шыв шанчăклă çын аллинче иккенне тепĕр хут çирĕплетсе пачĕ. Виçĕ сехет ытла тăсăлнă тĕл пулура вăл журналистсен ыйтăвĕсем çине татăклăн та иккĕленỹсĕр хуравсем пани Раççей Пуçлăхĕ тĕрĕс политика çулĕпе пынине тепĕр хут ĕнентерчĕ. Президент экономикăри йывăр лару-тăруран тухмалли çул-йĕрсене çивĕчлетни, ĕç укçине чакармасăр, тĕрлĕрен социаллă пособисемпе çăмăллăхсене сыхласа хăварса ырă пурнăç патне ăнтăлни кашнинчех ырă шанчăк çуратрĕ-тĕр.
Çĕр-шыва сыхласа хăварас, Украина халăхне пулăшас, политикăпа çыхăннă тата ытти ыйтусем пирки те татăклă хурав пачĕ, пирĕн çĕр-шыв никам умĕнче те чĕркуçленменнине ĕнентерчĕ. Çакнашкал шухăшсенех вăл Федераци Пухăвне янă Çырура та палăртнăччĕ. Хальхинче вара унчченех тăваттăмĕш влаç вырăнĕнче шутланакан журналистсемпе хăйĕн шухăшĕсене малалла аталантарчĕ.
В. ТУКМАКОВ, Çĕнĕ Ахпỹрт ял тăрăх пуçлăхĕ
Источник: "Авангард" (газета Батыревского района)