27 декабря 2014 г.
ВУН САКĂР çул тултарнă каччăсем хăйсен гражданла тивĕçне пурнăçласа Тăван çĕр-шыва хỹтĕлеме каймалли кĕркуннехи тапхăр вĕçленсе пычĕ. Çак яваплă кунсем Тутар Сăкăтсемшĕн те пĕр йĕрсĕр иртмен. Кăçалхи çур çулта çар хĕсметне кайма ят тухнă тăхăр призывникран улттăшĕ салтак аттине тăхăннă.
Сăмах май каласан, çакна та палăртса хăвармалла. 2014 çулта ял тăрăхĕ çамрăк граждансене патриотла воспитани парас, çара каякансен йышне ỹстерес тĕллевпе ăнăçлă та тухăçлă ĕçленĕшĕн районти çар комиссариат уйрăмĕн Хисеп грамотине илме тивĕçнĕ.
Источник: "Авангард" (газета Батыревского района)