27 декабря 2014 г.
Декабрĕн 19-мĕшĕнче Чăваш Республикин Патшалăх Канашĕн черетлĕ çирĕм улттăмĕш сессийĕ иртнĕ. Унта пĕтĕмпе 32 ыйту пăхса тухнă.
Тĕп ыйту _ Чăваш Республикин 2014 çулхи тата планпа пăхнă 2015, 2016 çулсенчи бюджетне улшăнусем кĕртессипе çыхăннă саккун проекчĕ. Документпа килĕшỹллĕн республикăн 2014 çулхи бюджечĕ тупăшсен енĕпе пĕтĕмĕшле илсен 485,8 млн тенкĕлĕх ỹсет, тавăрса памалли мар укçа тĕлĕшпе _ 1008,8 млн тенкĕлĕх. Депутатсем _ чылай сỹтсе явнă хыççăн ăна пĕрремĕш тата иккĕмĕш вулавсемпе йышăннă.
Вĕсем çавăн пекех ЧР "Чăваш Республикин территорийĕсене, халăха çут çанталăк тата техногенлă синкерсенчен хỹтĕлесси çинчен", "Чăваш Республикинче граждансен сывлăхне сыхласси çинчен" саккунсене улшăнусем кĕртессипе çыхăннă проектсене тишкернĕ. Унсăр пуçне депутатсем парламентăн кадрсен ыйтăвне пăхса тухнă.
"Хыпартан"
Источник: "Авангард" (газета Батыревского района)