31 декабря 2014 г.
ИРТСЕ кайнă çулталăкра районти ачасемпе çамрăксен спорт шкулĕн спортсменĕсемшĕн асра юлмалли ырă самантсем пайтах пулчĕç. Вĕсенчен пĕри _ Куславккара шкул ачисем хушшинче кĕрешес енĕпе Çĕнĕ çул умĕн йĕркеленĕ спартакиада. Помост çине республикăри вун икĕ командăран ик çĕр ытла спортсмен хутшăннă. Вăйлинчен вăйлисем хушшинче пирĕн районти кĕрешỹçĕсен пĕрлештернĕ команди пĕрремĕш вырăн йышăннă, Кубок çĕнсе илнĕ. Хăйсемпе пĕр виçеллисем хушшинче А. Ишмуратовпа И. Айзатуллов (Шăнкăртамри пĕрремĕш вăтам шкул), И. Кеметовпа Р. Карданов (Шăнкăртамри Феизов яч. шкул), А. Порфирьев (Хирти Пикшик), И. Михайлов (Первомайск) пурне те çурăм çине вырттарнă. Вĕсене хатĕрленĕ И. Алеев, А. Камалетдинов, А. Клементьев, Т. Валеев, Н. Трифонов тренерсен тата М. Калайбашев физкультура учителĕ ырми-канми тăрăшни харама кайман.
Источник: "Авангард" (газета Батыревского района)