17 января 2015 г.
Пысăк хăвăртлăхпа çỹ-ремелли "Мускав_Хусан" магистраль строительствине пуçарма 6 миллиард тенкĕ уйăраççĕ. Кунтан тĕлĕнмелли çук. Хăй вăхăтĕнче БАМ ХХ ĕмĕр стройки шутланнă пулсан _ çак магистраль ХХI ĕмĕр стройки пулса тăрасса шантараççĕ.
РФ премьер-министрĕ Дмитрий Медведев заместитĕлĕсемпе ирттернĕ канашлура мĕн пур укçапа строительство пуçармашкăн хатĕрленме усă курассине пĕлтернĕ. "Кĕске вăхăтра инженери ĕçĕсене туса ирттермелле, _ тенĕ вăл. _ Проект документацине хатĕрлемелле, проектăн финанс кỹлепине палăртмалла".
Магистралĕн пĕтĕмĕш-ле проект хакĕ 1 триллион тенкĕрен те иртет. Объекта хута яма РФ Президенчĕ Владимир Путин сĕннĕ. Пысăк хăвăртлăхпа çỹремелли магистрале тăватта пайлама палăртнă: Мускав _ Владимир, Владимир _ Чулхула, Чулхула _ Шупашкар, Шупашкар _ Хусан, " Раççей чукун çулĕсем" компани тăвакан лаптăка çеç патшалăх пулăшĕ. Ыттине концессисен шучĕпе (уйрăм секторсенчен патшалăхăн тупăшлă сĕнĕвĕсемпе улăштарса илнĕ укçа-тенкĕпе) тăвĕç. Федераци бюджетĕнчен 380 миллиард тенкĕ хывĕç. Кредит илме "Раççей чукун çулĕсем" АУОН нухратне, хушма субсидисене явăçтарма палăртаççĕ.
Источник: "Авангард" (газета Батыревского района)